15 Xuño, 2026

Servizos especiais na Noite de San Xoan

Con motivo da celebración da Noite de San Xoán e ao obxecto de que non sexa necesaria a utilización de vehículos particulares, deseñouse un dispositivo especial desde Praza de Pontevedra, consistente en 9 lanzadeiras que estarán operativas entre as 00.15 horas e as 02.30 horas do día 24 de xuño. A partir das 03.00 horas do día 24 de xuño quedará en servizo o Bufo, con saídas ás horas en punto e ás medias.

O servizo das horas seguirá o itinerario habitual; o das medias farao en sentido inverso, é dicir, primeiro pasará polos Castros continuando cara ao Castrillón. Realizarán a súa última saída ás 07.00 horas. Mediante este dispositivo especial “Noite de San Xoán” comunicarase a contorna de Praza de Pontevedra cos distintos barrios da cidade. Co obxecto de que resulte máis familiar a identificación do destino de cada unha das lanzadeiras mantéñense os números das liñas e as súas denominacións, coincidentes con cada unha das zonas ás que prestan servizo, segundo o seguinte detalle:

 

Liña 1: Saída de Praza de Pontevedra, incorporándose en Praza de Ourense ao seu itinerario habitual. Circulará pola Avda. de Oza en lugar de facelo pola Avda. do Exército. Desta forma prestarase servizo á Gaiteira, Os Castros e Castrillón, baixando pola Avda. de Monelos.
 
Liña 1A: Saída de Praza de Pontevedra, incorporándose en Praza de Ourense ao seu itinerario habitual. Con este servizo atenderase á zona de Salvador de Madariaga, Paxarelas, Mato Grande, Barrio das Flores, Eirís, Pedralonga e A Pasaxe, aínda que a este último chegarase se hai usuarios que o demanden en caso contrario dará a volta para retornar á Praza de Pontevedra.
 
Liña 3: Prestará servizo desde Praza de Pontevedra ás Roseiras seguindo o seu itinerario habitual no devandito tramo, atendendo a Ciudad Escolar, Labañou, As Roseiras e San Pedro de Visma.
 
Liña (3A): Circular Ciudad Vieja – Monte Alto: De Praza de Pontevedra a Monte Alto, prestará servizo co seguinte itinerario: Praza de Pontevedra, Obelisco, Porta Real, Parrote, Maestranza, Orillamar, Adormideras, Rolda de Montealto, Mercado de Hércules, Avda. de Hércules, C/ de la Torre, Praza de España, Hípica, Abente e Lago, Obelisco e Praza de Pontevedra
 
Liña 6: De Praza de Pontevedra a Meicende, prestando servizo ás zonas de Paseo das Pontes-Santa Margarita, parte alta da Sacra Familia, Agra do Orzán e Ventorrillo, na súa parte máis próxima á Avda. de Finisterre, continuando pola Moura ata Meicende.
 
Liña 7: De Praza de Pontevedra ao Ventorrillo atendendo a Peruleiro, Rolda de Outeiro, Agra do Orzán e toda a contorna de Villa de Negreira.
 
Liña 11: De Praza de Pontevedra aos Mallos. Prestará servizo a Pla e Cancela, contorna de Ronda de Nelle (zona Mallos), Mallos, Vioño e parte baixa da Sacra Familia.
 
Liña 21: De Praza de Pontevedra a Novo Mesoiro, prestando servizo á contorna de Catro Camiños-Corte Inglés, Segunda Fase de Elviña, Pablo Picasso, Birloque, Martinete, Mesoiro e Novo Mesoiro.
 
Liña 24: De Praza de Pontevedra a Zapateira, fará o itinerario habitual da liña 24, a primeira saída será ás 00.30 horas mantendo unha saída cada 30 minutos ata as 02.30 horas.
 
 
 
 
 
Facebook
LinkedIn

Blog

Artículos relacionados